ଶ୍ରମ ଅଧିକାରୀଙ୍କ କାର୍ଯ୍ୟାଳୟ ଘେରିଲା ଶ୍ରମିକ କଂଗ୍ରେସ

ଅନୁଗୁଳ – ଅନୁଗୁଳ ଜିଲ୍ଲା ଶ୍ରମିକ କଂଗ୍ରେସ (INTUC)ତରଫରୁ ନିର୍ମାଣ ଶ୍ରମିକ ମାନଙ୍କର ବିଭିନ୍ନ ସମସ୍ୟା ନେଇ ମହାମହିମ ରାଜ୍ୟପାଳଙ୍କୁ ଜିଲ୍ଲା ଶ୍ରମ ଅଧିକାରୀଙ୍କ ଜରିଆରେ ଦାବି ପତ୍ର ଦିଆ ଯାଇଅଛି । ବର୍ଷ ବର୍ଷ ଧରି ରାଜ୍ୟରେ ଥିବା ନିର୍ମାଣ ଶ୍ରମିକ ମାନେ ଶ୍ରମିକ କଲ୍ୟାଣ ଯୋଜନାରେ ନାମ ପଞ୍ଜିକରଣ ପାଇଁ ଦରଖାସ୍ତ ଦେଇଥିଲେ ମଧ୍ୟ ସେମାନଙ୍କୁ ଶ୍ରମିକ କଲ୍ୟାଣ ଯୋଜନାରେ ଅନ୍ତଭୁକ୍ତ କରା ଯାଉନାହିଁ । ବିଭିନ୍ନ ଶ୍ରମିକ କଲ୍ୟାଣ ଯୋଜନା ନଦେବା ଉଦେଶ୍ୟରେ ପଞ୍ଜିକୃତ ଶ୍ରମିକଙ୍କ କାର୍ଡ ନବୀକରଣ କରାଯାଉନାହିଁ ବୋଲି ଶ୍ରମିକ କଂଗ୍ରେସ ଅଭିଯୋଗ କରିଛି । ସେହିଭଳି କେନ୍ଦ୍ରସରକାରଙ୍କ ଦ୍ଵାରା ବିନା ଆଲୋଚନା ଓ ବିନା ଭୋଟିଂରେ ୪ଟି ଲେବର କାର୍ଡ ଓ ୩ ଟି କୃଷି ଆଇନକୁ ତୁରନ୍ତ ପ୍ରତ୍ୟାହର କରାଯାଉ ଏବଂ ଦେଶ ବ୍ୟାପି କୃଷକ ଆନ୍ଦୋଳନକୁ ଆମେ ସମର୍ଥନ କରୁଛୁ ବୋଲି ଶ୍ରମିକ କଂଗ୍ରେସ ନେତା କହିଥିଲେ । ଏକ ଶୋଭାଯାତ୍ରାରେ ଶତାଧିକ ଶ୍ରମିକ ଆସି ଶ୍ରମ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରି ଶ୍ରମ ଅଧିକାରୀଙ୍କୁ ସେମାନଙ୍କ ଦାବିପତ୍ର ପ୍ରଦାନ କରିଥିଲେ । ଏହି କାର୍ଯ୍ୟକ୍ରମ ରେ ଜିଲ୍ଲା INTUC (ଶ୍ରମିକ କଂଗ୍ରେସ) ସଭାପତି ଦିଗାମ୍ବର ଗଡନାୟକ,ଜିଲ୍ଲା YOUTH INTUC (ଯୁବ ଶ୍ରମିକ କଂଗ୍ରେସ) ସଭାପତି ସୁଦୀପ ମିଶ୍ର , ଶ୍ରମିକ ନେତା ବିଭବ ଜେନା , ପରେଶ ଜେନା , ଶୋଭାଗ୍ୟ ପ୍ରଧାନ , ବିମ୍ବାଧର ସାମଲ , ଟିକନ ସାମଲ , ରାଜକିଶୋର ସାହୁ , ସଂଜୀବ କୁମାର ମାଣ୍ଡୋଠିଆ , ଏଆଇୟୁଡବ୍ଲ୍ୟୁସିର ଅଧକ୍ଷ ଅକ୍ଷୟ ବିଶୋଇ, ସୁଜିତ ସାସ୍ଥ ,ଅହଲ୍ୟା ଦଳେଇ, ଗଡ ନାଏକ, ହୃଦା ରାଉତ, ଗୋଲେଖ ନାୟକ ପ୍ରମୁଖ ଉପସ୍ଥିତ ରହିଥିଲେ ।

Advertisement