ଦୁର୍ଘଟଣାରେ ଓକିଲ ଗୁରୁତର

ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ଡିପଦା ବ୍ଲକ ଅନ୍ତର୍ଗତ କୋଶଳା ତାରିଣୀ ପୀଠ ପାଖରେ ଶନିବାର ରାତିରେ ଏକ  ଦୁର୍ଘଟଣା ଘଟିଛି । ଏଥିରେ ଥିବା ଚାଳକ ଛେଣ୍ଡିପଦାର ବରିଷ୍ଠ ଆଇନଜୀବି ଲମ୍ବୋଦର ପ୍ରଧାନ ଗୁରୁତର ହୋଇଛନ୍ତି । ସୂଚନା ଅନୁସାରେ ଲମ୍ବୋଦର ଆଜି ଅନୁଗୁଳରୁ ନିଜ ଘର ଛେଣ୍ଡିପଦାକୁ ଫେରୁଥିବା ସମୟରେ କୋଶଳା ତାରେଣୀ ଛକ ନିକଟରେ ଖରାପ ଅବସ୍ଥାରେ ଏକ ଟ୍ରକ୍ ଛିଡା ହୋଇଥିଲା । ଏହୋଇ ଟ୍ରକଟିକୁ ଲମ୍ବୋଦାର ଦେଖି ପାରି ନଥିବା ବେଳେ ଭାରସାମ୍ୟ ହରାଇ କାରଟି ଟ୍ରକକୁ ପଛପଟୁ ଧକ୍କା ଦେଇଥିଲା । ଫଳରେ  ଲମ୍ବୋଦର ପ୍ରଧାନ ଆହାତ ହେବା ସହ  ଗାଡିରେ ଏୟାର ବେଲୁନ ଥିବା ଯୋଗୁଁ ଅଳ୍ପକେ ବର୍ତ୍ତୀ ଯାଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ଥିବା ଦେଖି ପାତ୍ରପଡା ଗ୍ରାମର ଦୀପକ କୁମାର ସାହୁ  ତାଙ୍କୁ ଛେଣ୍ଡିପଦା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲେ । ଏବେ ତାଙ୍କର ସ୍ୱାସ୍ଥ୍ୟବସ୍ଥା ଠିକ୍ ଅଛି ବୋଲି ଡାକ୍ତର ପ୍ରକାଶ କରିଛନ୍ତି ।

Advertisement