ଅନୁଗୁଳ – ଅନୁଗୁଳ ଓକିଲ ସଂଘର ୨୦୨୧-୨୨ ବର୍ଷ ପାଇଁ ନିର୍ବାଚନ ଅନୁଷ୍ଟିତ ହୋଇ ଯାଇଛି । ଏଥିରେ ମୋଟ ୪୭୬ଜଣ ସଭ୍ୟଙ୍କ ମଧ୍ୟରୁ ୪୪୮ଜଣ ସଭ୍ୟ ମତଦାନ କରିଥିଲେ । ସକାଳ ୮ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ଏହି ମତଦାନ ଅନୁଷ୍ଟିତ ହୋଇଥିଲା । ଏହି ନିର୍ବାଚନରେ ସଭାପତି ଭାବେ ଦିଲ୍ଲୀପ କୁମାର ସାହୁ , ଉପ ସଭାପତି ଭାବେ ନିରୋଧ କୁମାର ମିଶ୍ର , ସାଧାରଣ ସମ୍ପାଦକ ଭାବେ ସୋମନାଥ ରାଉତ , ସହ ସମ୍ପାଦକ ଭାବେ ଧର୍ମେନ୍ଦ୍ର ନାଥ ମିଶ୍ର ନିର୍ବାଚିତ ହୋଇଛନ୍ତି । କୋଷଧ୍ୟକ୍ଷ ଭାବେ ନୀଳକଣ୍ଠ ନାଏକ ନିର୍ବାଚିତ ହୋଇଥିବା ବେଳେ ସାଂସ୍କୃତିକ ସଂପାଦକ ଭାବେ ପ୍ରଦୀପ୍ତ କିଶୋର ସାହୁ ନିର୍ବାଚିତ ହୋଇଛନ୍ତି । ନିର୍ବାଚନ ଅଧିକାରୀ ଭାବେ ପ୍ରମୋଦ କୁମାର ପ୍ରଧାନ ନିର୍ବାଚନ ପରିଚାଳନା କରିଥିଲେ । ସେହିପରି ଆଠମଲ୍ଲିକ ଓକିଲ ସଙ୍ଘ ନିର୍ବାଚନରେ କେବଳ ସଭାପତି ପଦବୀ ନିମନ୍ତେ ନିର୍ଵାଚନ ହୋଇଥିଲା । ଏଥିରେ ସୁଶାନ୍ତ କୁମାର ମହାପାତ୍ର (ପିନା ) ତାଙ୍କ ନିକଟ ତମ ପ୍ରତିଦ୍ୱନ୍ଦୀ ପ୍ରମୋଦ ପ୍ରଧାନଙ୍କ ଠାରୁ ଗୋଟିଏ ଭୋଟରେ ବିଜୟୀ ହୋଇଛନ୍ତି । ସଙ୍ଘର ଅନ୍ୟ ପଦବୀ ଗୁଡ଼ିକରେ ପ୍ରାର୍ଥୀମାନେ ନିର୍ଦ୍ୱନ୍ଦରେ ନିର୍ବାଚିତ ହୋଇଛନ୍ତି । ଉପସଭାପତି ଭାବେ ଉଗ୍ରେସନ ସେଠୀ , ସମ୍ପାଦକ ବିନାୟକ ଗୋଦୁକା , ସହସମ୍ପାଦକ ସୁବୋଧ କୁମାର ମିଶ୍ର ନିର୍ବାଚିତ ହୋଇଛନ୍ତି ।
Advertisement
