କାଜୁ ଜଙ୍ଗଲରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର

ଛେଣ୍ଡିପଦା – ଅନୁଗୁଳ ଜିଲ୍ଲା କୋଶଳା କାଜୁ ଜଙ୍ଗଲରୁ ଆଜି (ମଙ୍ଗଳବାର) ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ମହିଳା ଜଣଙ୍କ କୋଶଳା ଗାଁ ଗଙ୍ଗାସାହିର ଦ୍ରୌପଦୀ ସାହୁ ବୋଲି ଜଣା ପଡିଛି । ତାଙ୍କୁ ହତ୍ୟା ପରେ ଗଛରେ ଝୁଲାଇ ଦେଇଥିବା ସନ୍ଦେହ କରା ଯାଉଛି । ସୂଚନା ଅନୁସାରେ ଆଜି ସକାଳେ ଗାଁର କାଜୁ ଜଙ୍ଗଲରେ ଦ୍ରୌପଦୀଙ୍କ ମୃତଦେହ କାଜୁ ଗଛରେ ଝୁଲୁଥିବା ସ୍ଥାନୀୟ ଲୋକ ଦେଖିବାକୁ ପାଇଥିଲେ । ଏହା ଦେଖି ସେମାନେ ଦ୍ରୌପଦୀଙ୍କ ଏକ ମାତ୍ର ପୁଅ ଓ ପୁଲିସକୁ ସୂଚନା ଦେଇଥିଲେ । ଦ୍ରୌପଦୀଙ୍କ ବେକରେ ଏକ ଧଳା ଲୁଗା ଲାଗିଥିବା ବେଳେ ତାଙ୍କ ଗୋଦା ତଳେ ଲାଗିଛି ଏବଂ ହାତ ଗଛ ଡାଳରେ ଲାଗି ରହିଛି । ଏହା ଦେଖି ତାଙ୍କୁ କେହି ହତ୍ୟା କରିଥିବା ସ୍ଥାନୀୟ ଲୋକ ସନ୍ଦେହ କରୁଛନ୍ତି । ତେବେ ଏହା ପ୍ରକୃତରେ ଆତ୍ମହତ୍ୟା ନା ହତ୍ୟା ତାହା ସ୍ପଷ୍ଟ ହୋଇ ପାରି ନାହିଁ । ପୁଲିସ ଘଟଣାର ତଦନ୍ତ ପରେ ହିଁ ପ୍ରକୃତ ଘଟଣା ଜଣା ପଡିବ ।

Advertisement