ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ଡିପଦା ନିର୍ବାଚନ ମଣ୍ଡଳୀ କୁଶକିଳା ପଞ୍ଚାୟତର ସରପଞ୍ଚ ସୁଶାନ୍ତ କୁମାର ସାହୁ ଅନାସ୍ଥା ଭୋଟ୍ ପରେ ନିଜ ପଦ ହରାଇଛନ୍ତି । ସରପଞ୍ଚଙ୍କ ମନମୁଖୀ କାର୍ଯ୍ୟକୁ ବିରୋଧ କରି ୱାର୍ଡମେମ୍ବର ମାନେ ଅନାସ୍ଥା ପାଇଁ ଉପଜିଲ୍ଲାପାଳଙ୍କ ନିକଟରେ ଫେରାଦ ହୋଇଥିଲେ । ଜିଲ୍ଲା ପ୍ରଶାସନ ପକ୍ଷରୁ ଭୋଟ୍ ପାଇଁ ଆଜି ତାରିଖ ସ୍ଥିର ହୋଇଥିବା ବେଳେ ୱାର୍ଡ ସଭ୍ୟସଭ୍ୟା ମାନେ ଆଜି ଆସି ଭୋଟ ଦେଇଥିଲେ । ଭୋଟ ସରିବା ପରେ ଦିନ ୧୨ ଟାରୁ ୧ଟା ମଧ୍ୟରେ ଅନାସ୍ଥା ଫଳାଫଳ ଜଣାପଥିଲା । ପଞ୍ଚାୟତରେ ସରପଞ୍ଚଙ୍କ ସମେତ ଓ୍ବାଡମେମ୍ବର ମୋଟ୍ ୧୪ଟି ମତଦାନ ଥିବା ବେଳେ ୧୩ ଜଣ ଓ୍ବାଡମେମ୍ବର ସରପଞ୍ଚ ସୁଶାନ୍ତ କୁମାର ସାହୁଙ୍କ ବିରୋଧରେ ଭୋଟ ଦେଇଥିଲେ ଫଳରେ ଅନାସ୍ଥା ଭୋଟିଂ ରେ ସରପଞ୍ଚଙ୍କ ପରାଜୟ ହୋଇଛି । ଅନ୍ୟପଟେ ନାଏବ ସରପଞ୍ଚ ରିଲୀ ବିଶ୍ଵାଳ ସରପଞ୍ଚ ଭାବେ ଦାୟିତ୍ଵ ନେଇଛନ୍ତି ।
Advertisement
