ତାଳଚେର – ଅନୁଗୁଳ ଜିଲ୍ଲା ସମଲ ପୁଲିସ ଦାଦାବଟି ମାଗିବା ଅଭିଯୋଗରେ ୩ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ମାନେ ହେଲେ କୁଲେଇ ଗାଁର ବାଜିଆ ମହାନ୍ତି , ଟୁଲୁ ମହାନ୍ତି ଏବଂ ସୁମନ୍ତ ମହାନ୍ତି । ସୂଚନା ଅନୁସାରେ କୁଲେଇ ଗାଁ ସାପ୍ତାହିକ ହାଟ ପାଖରେ ଓପିଟିସିଏଲ ପକ୍ଷରୁ ମେଣ୍ଟେନାନ୍ସ କାମ ଚାଲିଛି । ଏହି କାମ ଚାଲିଥିବା ବେଳେ କୁଲେଇ ଗାଁର ଚାରି ଜଣ ଯୁବକ ସେଟାକୁ ଆସି ଦାଦା ବଟି ମାଗିଥିଲେ । ଦାଦାବଟି ନଦେଲେ ଜୀବନରେ ମାରି ଦେବାକୁ ଧମକ ଦେଇଥିଲେ । ଏହା ସହ ଅଭଦ୍ର ଭାଷାରେ ଗାଳିଗୁଲଜ କରିବା ସହ ଗାଡି ଭାଙ୍ଗି ଦେଇଥିଲେ । ଆଉ ସେଠାରେ ଥିବା କିଛି କର୍ମଚାରୀଙ୍କୁ ଏକ ବାଡିରେ ମାଡ ମଧ୍ୟ ମାରିଥିଲେ । ଏହି ଘଟଣାକୁ ନେଇ ଏସଡ଼ିଓ ରାଜୀବ ଲୋଚନ ପଣ୍ଡା ସମଲ ଥାନାରେ ଲିଖିତ ଅଭିଯୋଗ କରିଥିଲେ । ପୁଲିସ ଘଟଣାରେ ତଦନ୍ତ କରି କୁଲେଇ ଗାଁର ବାଜିଆ ମହାନ୍ତି , ଟୁଲୁ ମହାନ୍ତି ଏବଂ ସୁମନ୍ତ ମହାନ୍ତିକୁ ଗିରଫ କରି କୋର୍ଟ ଚାଲାଣ କରିଛି ।
Advertisement
