ଆଠମଲ୍ଲିକ -(AO) – ଅନୁଗୁଳ ଜିଲ୍ଲା ହଣ୍ଡପା ଥାନା ଅନ୍ତର୍ଗତ ପ୍ରତାପପୁର ଗାଁରେ ଘରୋଇ କଳହରୁ ଆଜି ଏକ ହତ୍ୟାକାଣ୍ଡ ହୋଇଥିବା ଜଣା ପଡିଛି । ୩ ପୁତୁରା ପିଟି ପିଟି ନିଜ ଦାଦାଙ୍କୁ ମାରି ଦେଇଛନ୍ତି । ମୃତକ ଜଣଙ୍କ ନାମ ଗଙ୍ଗା ନାଗ । ସୂଚନା ଅନୁସାରେ ପୂର୍ବରୁ ପରିବାର ଗଙ୍ଗା ଓ ତାଙ୍କ ଭାଇଙ୍କ ପରିବାର ସହ ଘରୋଇ କଥାକୁ ନେଇ ଗଣ୍ଡଗୋଳ ଲାଗି ରହିଥିଲା । ଗତ କାଲି ରାତିରେ ପୁଣି ଥରେ ଦାଦା ଓ ପୁତୁରା ମାନଙ୍କ ମଧ୍ୟରେ କଳିଗୋଳ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ୩ ଜଣ ପୁତୁରା ଠେଙ୍ଗାରେ ପିଟି ପିଟି ଗଙ୍ଗାକୁ ମାରି ଦେଇଥିଲେ । ଗଙ୍ଗା ସେଠାରେ ପଡି ରହିଥିବା ବେଳେ ୩ ପୁତୁରା ଫେରାର ହୋଇ ଯାଇଥିବା ଜଣା ପଡିଛି । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି । ମୃତ ଗଙ୍ଗାଙ୍କ ମା ଯଶୋଦା ଥାନାରେ ଲିଖିତ ଅଭିଯୋଗ କରିଛନ୍ତି ।
Advertisement
