ଟ୍ରକ ପଛରେ ପିଟିଲା କାର – ୫ ମୃତ

ପାଳଲହଡା – ଅନୁଗୁଳ ଜିଲ୍ଲା ଖମାର ଥାନା ଜାତୀୟ ରାଜପଥ ୧୪୯ର କଣ୍ଟିଆପଶି ଛକ ନିକଟରେ ବିଳମ୍ବିତ ରାତିରେ ଏକ ମର୍ମଦୁନ୍ତ ସଡକ ଦୁର୍ଘଟଣାରେ ୫ ଜଣଙ୍କର ମୃତ୍ୟୁ ହୋଇଛି । ସୂଚନା ଅନୁସାରେ ଇଞ୍ଜିଡି ଗାଁର କିଛି ବ୍ୟକ୍ତି ନିର୍ବାଚନ ଗଣନା ସାରିବା ପରେ ଢାବାରେ ଖିଆପିଆ କରି ଘରକୁ ଫେରୁଥିଲେ । ତେବେ କଣ୍ଟିଆପଶି ଠାରେ ରାସ୍ତାରେ ଛିଡା ହୋଇଥିବା ଏକ ଟ୍ରକ ପଛରେ ସେମାନଙ୍କ ହ୍ୟୁଣ୍ଡାଇ କାରଟି ଧକ୍କା ହୋଇ ଥିଲା । ଫଳରେ ଘଟଣା ସ୍ଥଳରେ ହିଁ ୫ ଜଣଙ୍କର ମୃତ୍ୟୁ ହୋଇଥିଲା । ମୃତକ ମାନେ ଇଂଜିଡି ଗ୍ରାମର ଦିଲୀପ କୁମାର ସାହୁ , ବାପୁନ କୁମାର ସାହୁ , ରାନୁ ପ୍ରଧାନ , ଗୌର ଚନ୍ଦ୍ର ସାହୁ  ଓ ପିନୁ ସାହୁ । ପୁଲିସ ଦୁର୍ଘଟଣାଗ୍ରସ୍ତ ଗାଡି ଜବତ କରି ତଦନ୍ତ କରୁଛି ।

Advertisement