ଅନୁଗୁଳ – ଘରେ ଭଡ଼ାରେ ରହୁଥିବା ଜଣେ ନାବାଳିକାଙ୍କ ସହ ଦୁଷ୍କର୍ମ ଅଭିଯୋଗରେ ପୁଲିସ ଜଣେ ଘର ମାଲିକଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ଜଣଙ୍କ ଅନୁଗୁଳ ସହର ବ୍ରାହ୍ମଣୀଦେଇପଡ଼ା ଅଞ୍ଚଳର ୫୨ ବର୍ଷୀୟ ସୁବାଷ ସାହୁ । ସୂଚନା ଅନୁସାରେ, ସୁବାଷଙ୍କ ଏକ ଘରେ ଭଡ଼ାରେ ଏକ ପରିବାର ରହୁଥିଲେ । ପରିବାର ସଦସ୍ୟମାନେ କୌଣସି କାମରେ ବାହାରକୁ ଯାଇଥିଲାବେଳେ ଗତକାଲି କେବଳ ତାଙ୍କର ୭ ବର୍ଷର ଝିଅ ଘରେ ଥିଲେ । ଏହି ସମୟରେ କୌଣସି ବାହାନା କରି ସୁବାଷ ତାଙ୍କ ପାଖକୁ ଯାଇଥିଲେ । ପରେ ତାଙ୍କ ସହ ଦୁଷ୍କର୍ମ କରିଥିଲେ । ଘର ଲୋକ ଫେରିବା ପରେ ନାବାଳିକା ଜଣଙ୍କ ଏନେଇ ପରିବାର ଲୋକଙ୍କୁ ଜଣାଇଥିଲେ । ପରିବାର ଲୋକେ ଘଟଣା ଜାଣିବା ପରେ ଅନୁଗୁଳ ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ପୁଲିସ ଅଭିଯୁକ୍ତ ସୁବାଷ ସାହୁକୁ ଗିରଫ କରି ଆଜି କୋର୍ଟ ଚାଲାଣ କରିଛି ।
Advertisement
