ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ପୁରୁଣାଗଡ଼ର ବହୁ ପ୍ରତିଷ୍ଠିତ ବରାଳ ବାଲୁଙ୍କେଶ୍ୱର ଶିବ ମନ୍ଦିରରୁ ଚୋରି ହୋଇଥିବା ଅଭିଯୋଗ ହୋଇଛି । ବିଲମ୍ବିତ ରାତିରେ ଦୁର୍ବୃତ୍ତମାନେ ମନ୍ଦିରର ଗେଟ ତାଲା ଭାଙ୍ଗି ଭିତରକୁ ଯିବା ସହ ଭିତରେ ଥିବା ହୁଣ୍ଡି ବାକ୍ସକୁ ବୋହି ନେଇଥିଲେ । ସେଠାରୁ ମନ୍ଦିର ପଛ ପାଖରେ ଥିବା ଏକ ଆମ୍ଵ ତୋଟାରେ ହୁଣ୍ଡି ଭାଙ୍ଗି ସେଥିରେ ଥିବା ସମସ୍ତ ଟଙ୍କା ନେଇ ପଳାଇ ଯାଇଛନ୍ତି । ହୁଣ୍ଡିରେ ପ୍ରାୟ ୩୦ ହଜାରରୁ ଉର୍ଦ୍ଧ୍ଵ ଟଙ୍କା ଥିବ ବୋଲି ମନ୍ଦିର ପରିଚାଳନା କମିଟି ଅନୁମାନ କରିଛି । ଏ ନେଇ ମନ୍ଦିର ପୂଜକ କମିଟି ପକ୍ଷରୁ ଥାନାରେ ଅଭିଯୋଗ ପରେ ପୁଲିସ ଘଟଣାର ଛାନଭିନ କରୁଛି ।
Advertisement
