ଅନୁଗୁଳ – ଅନୁଗୁଳ ଜିଲ୍ଲା ଗସ୍ତରେ ଆଜି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆସିଥିବା ବେଳେ ଜେଏସପିଏଲ ଠାରେ ନିର୍ମିତ କୋଭିଡ କେୟାର ସେଣ୍ଟରକୁ ଲୋକାର୍ପଣ କରିଛନ୍ତି । ଏହି କୋଭିଡ କେୟାର ସେଣ୍ଟର ଲୋକାର୍ପଣ ବେଳେ ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ନବକିଶୋର ଦାସ , ଜେଏସପିଏଲ ର ଅଧ୍ୟକ୍ଷ ନବୀନ ଜିନ୍ଦଲ ମଧ୍ୟ ଉପସ୍ଥିତ ଥିଲେ । ରାଜ୍ୟ ତଥା ଅନୁଗୁଳ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ବଢୁଛି । ଏହାକୁ ଆଖି ଆଗରେ ରଖି ଜେଏସପିଏଲ ପକ୍ଷରୁ ଏହି କୋଭିଡ କେୟାର ସେଣ୍ଟର ଖୋଲା ଯାଇଛି । ଏହି ସେଣ୍ଟରରେ ୨୭୦ ଟି ଶଯ୍ୟା ରହିଥିବା ବେଳେ ସମସ୍ତ ଶଯ୍ୟାରେ ଅକ୍ସିଜେନର ବ୍ୟବସ୍ଥା କରା ଯାଇଛି । ଏହା ସହ ୫ ଟି ଭେଣ୍ଟିଲେଟର , ୧୦ ଟି NIV ଶଯ୍ୟାର ବ୍ୟବସ୍ଥା କରା ଯାଇଛି । ଅନୁଗୁଳ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ବଢୁଥିବା ବେଳେ ଏହି ସେଣ୍ଟର କରୋନା ରୋଗୀ ମାନଙ୍କ ପାଇଁ ବେଶ ସହାୟକ ହେବ । କେନ୍ଦ୍ରମନ୍ତି ଏହି ସେଣ୍ଟରକୁ ଲୋକାର୍ପଣ କରିବା ପରେ ବଳରାମପ୍ରସାଦ ଠାରେ ଥିବା ଇଏସଆଇ ହସ୍ପିଟାଲ ଓ ତାଳଚେର ଠାରେ ଥିବା ଏମସିଏଲ କୋଭିଡ ହସ୍ପିଟାଲ ପରିଦର୍ଶନ କରି ବିଭିନ୍ନ ଆନୁସଙ୍ଗିକ ବ୍ୟବସ୍ଥାର ତଦାରଖ କରିଥିଲେ ।
Advertisement
