ହାଇୱା ଗାଡିକୁ ଏକ ଲକ୍ଷ ଟଙ୍କା ଜୋରିମାନା

ଅନୁଗୁଳ – ଅନୁଗୁଳ ଜିଲ୍ଲା ତାଳଚେର ଗୋଡିବନ୍ଧ ଅଞ୍ଚଳରେ ଏକ ହାଇୱା ଗାଡିକୁ ଏକ ଲକ୍ଷ ଟଙ୍କା ଜୋରିମନା କରା ଯାଇଛି । ସୂଚନା ଅନୁସାରେ ଏହି ହାଇୱା ଗାଡିଟି ବେଆଇନ ଭାବେ ଲଘୁ ଖଣିଜ ପରିବହନ କରି ନେଉଥିବା ବେଳେ ତାଳଚେର ତହସିଲଦାର ଓ ପୁଲିସ ମିଳିତ ଚଢାଉ କରିଥିଲେ । ଆଉ ଏହି ବେଆଇନ ପରିବହନ କରୁଥିବା ଯୋଗୁଁ ଗାଡି ମାଲିକଙ୍କୁ ରୋୟାଲଟି ଓ ଫାଇନ ଆକାରରେ ୧ ଲକ୍ଷ ଟଙ୍କା ଦେବାକୁ ନିର୍ଦେଶ କରା ଯାଇଛି । ଏହା ସହ ଗାଡିକୁ ଗୋଡିବନ୍ଧ ଫାଣ୍ଡିରେ ଜବତ କରି ରଖାଯାଇଥିବା ଜଣା ପଡିଛି ।

Advertisement