ଅନୁଗୁଳ – ଅନୁଗୁଳରୁ ଗଡିଲା ଅକ୍ସିଜେନ ଏକ୍ସପ୍ରେସ । ଆଜି ସକାଳୁ ଅନୁଗୁଳ ନିଶାସ୍ଥିତ ଜିନ୍ଦଲ ଷ୍ଟିଲ ଏଣ୍ଡ ପାୱାର ଲିମିଟେଡ଼ରୁ ଅକ୍ସିଜେନ ଏକ୍ସପ୍ରେସ ବାହାରି ହରିୟାନା ଯାଇଛି । ଦୁଇଟି ଟ୍ୟାଙ୍କରରେ ପାୟ ୪୦ ଲିଟର ତରଳ ଅକ୍ସିଜେନ ଭରା ଟ୍ୟାଙ୍କର ରେଳ ଯୋଗେ ଯାଇଛି । ହରିୟାନା ସରକାରଙ୍କ ଅନୁରୋଧ କ୍ରମେ ଦୁଇଟି ଖାଲି ଟ୍ୟାଙ୍କର ଥିବା ଅମ୍ଳଜାନ ଏକ୍ସପ୍ରେସ ସ୍ପେଶାଲକୁ ଗତକାଲି ଅନୁଗୁଳର ଜିନ୍ଦଲ ଷ୍ଟିଲ ଏଣ୍ଡ ପାୱାର ଲିମିଟେଡ଼ରେ ଲୋଡିଂ ପାଇଁ ରଖାଯାଇ ପ୍ରାୟ ୪୦ ଟନ୍ LMO ଦୁଇଟି ଟ୍ୟାଙ୍କରରେ ଭର୍ତିକରାଯାଇ ଭାରତୀୟ ରେଳବାଇର ରୋରୋ ସେବା ସହିତ ଟ୍ରେନ୍ ଯୋଗେ ହରିୟାନା ଯାତ୍ରା କରିଛି । ଜେଏସପିଏଲର ଅନୁଗୁଳ ପ୍ଲାଣ୍ଟ ଏହା ବ୍ୟତୀତ ବିଭିନ୍ନ ରାଜ୍ୟ ସରକାରଙ୍କ ଆବଶ୍ୟକତା ଅନୁଯାୟୀ ପ୍ରତିଦିନ ପ୍ରାୟ ୧୦୦ ମେଟ୍ରିକ ଟନ LMO ପଠାଉଛି ।
Advertisement
