ଅନୁଗୁଳ – ୟୁଥ୍ ହଷ୍ଟେଲ ଆସୋସିଏସନ ଅଫ ଇଣ୍ଡିଆ ତାର ସାର ବିଶ୍ବରେ ରହିଥିବା ୪୦୦୦ ହଜାରରୁ ଅଧିକ ଶାଖା ତରଫରୁ “ସ୍ଲିପ୍ ଫର୍ ପିସ୍” କାର୍ଯ୍ୟକ୍ରମ ପାଲନ କରାଯାଇଛି । ଏହି କାର୍ଯ୍ୟକ୍ରମ ମାଧ୍ୟମରେ ଅସହାୟ ବ୍ୟକ୍ତି , ହଷ୍ଟେଲ ତଥା ଅନାଥ ଆଶ୍ରମ ଗୁଡିକରେ ରହୁଥିବା ଛାତ୍ରଛାତ୍ରୀ ମାନଙ୍କୁ ଶୁଖିଲା ଓ ରନ୍ଧା ଖାଦ୍ୟ ଭୋଜନର ବ୍ୟବସ୍ଥା କରି ସେମାନଙ୍କ ଗହଣରେ ପାଳନ କରିବା ନିମନ୍ତେ ନିଷ୍ପତ୍ତି କ୍ରମେ ଆଜି ଅନୁଗୁଳ ୟୁଥ୍ ହଷ୍ଟେଲ ଆସୋସିଏସନ ନାଲକୋ ୟୁନିଟ ତରଫରୁ ଏହି କାର୍ଯ୍ୟକ୍ରମକୁ ବାଜିରାଉତ ଛାତ୍ରାବାସରେ ପାଳନ କରିଯାଇଛି । କାର୍ଯ୍ୟକ୍ରମର ଉଦ୍ଦେଶ୍ୟ ସମସ୍ତେ ଶାନ୍ତିରେ ବସବାସ କରିବା ସହିତ ସାମାଜିକ ବା ସାମୁହିକ ବିକାଶରେ ସହଭାଗିତା ଭୂମିକା ଗ୍ରହଣ କରିବା ବୋଲି ରାଜ୍ୟ ୟୁଥ୍ ହଷ୍ଟେଲ ଆସୋସିଏସନର ସମ୍ପାଦକ ପ୍ରହଲ୍ଲାଦ ପଟ୍ଟନାୟକ ଏହି ଅବସରରେ କହିଥିଲେ । ପୂର୍ବାହ୍ନରେ ଆୟୋଜିତ ଏହି କାର୍ଯ୍ୟକ୍ରମକୁ ଆସୋସିଏସନର ଜିଲ୍ଲା ସମ୍ପାଦକ ଦିଲ୍ଲୀପ ଦାସ ଅଧ୍ୟକ୍ଷତା କରିଥିବା ବେଳେ ସଦସ୍ୟ ସନ୍ତୋଷ ତ୍ରିପାଠୀ ,ମନୋରଞ୍ଜନ ପ୍ରଧାନ , ଶତ୍ରୁଘନ ସାହୁ , ପର୍ଶୁରାମ ଦାଶ , ମନୋଜ କୁମାର ପଣ୍ଡା , ଲିଟୁ ପଟ୍ଟନାୟକ , ସୂର୍ଯ୍ୟ ନାରାୟଣ ନାଥ ଓ ବାଜିରାଉତ ଛାତ୍ରାବାସ ସମ୍ପାଦକ ଭାବଗ୍ରାହୀ ନାଏକ ଉପସ୍ଥିତ ଥିଲେ ।
Advertisement
