ଅନୁଗୁଳ – ଦୋକାନରୁ ଚୋରି କରୁଥିବା ବେଳେ ଧରାପଡି ଖୁଣ୍ଟରେ ବନ୍ଧା ହୋଇ ଛେଚା ଖାଇଲେ ୩ ଯୁବକ । ଅନୁଗୋଳ ଜିଲ୍ଲା ଛେଣ୍ତିପଦା ଥାନା ଫୁଲଝରୀ ଗାଁରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ।ଚୋରୀ କରିବାକୁ ଆସି ଲୋକଙ୍କ ହାତରେ ଧରାପଡିବା ସହି ନିର୍ଧୁମ ଛେଚା ଖାଇଲେ ତିନି ଯୁବକ । ସୁଚନା ଅନୁସାର କୁକୁରପେଟା ଫୁଲଝରି ଛକରେ ଥିବା ଯୁଗଳ ସାହୁଙ୍କ ହୋଟେଲ ଓ ନଗେନ ପ୍ରଧାନଙ୍କ ପାନ ମସଲା ଦୋକାନରୁ କଣିହାଁ ଥାନା ଭାଲୁଗାଡିଆ ଅଞ୍ଚଳର ୩ ଜଣ ଯୁବକ ଚୋରି କରୁଥିବା ସମୟରେ ସ୍ଥାନୀୟ ଲୋକଙ୍କ ହାତରେ ଧରା ପଡି ଯାଇ ଥିଲେ । ଲୋକମାନେ ଚୋର ୩ ଜଣକୁ ଗୋଟିଏ ବିଦ୍ୟୁତ୍ ଖୁଣ୍ଟରେ ବନ୍ଧି ନିର୍ଧୁମ ମାଡ ମାରିଥିଲେ । ସେମାନଙ୍କ ଖାନତଲାସି ବେଳେ ତାଙ୍କ ପାଖରୁ ଗୋଟିଏ ଭୁଜାଲି ଏବଂ ସେମାନେ ଆସିଥିବା ଗୋଟିଏ ମଟରସାଇକେଲକୁ ଜବତ ରଖି ସ୍ଥାନୀୟ ଲୋକ ପୋଲିସକୁ ଖବର ଦେଇଥିଲେ । ଖବର ପାଇ ଛେଣ୍ଡିପଦା ପୋଲିସ ଘଟଣାସ୍ଥଳରେ ପହଞ୍ଚି ଅଟକ ୩ ଜଣ ଚୋରକୁ ଥାନାକୁ ନେଇ ଘଟଣାର ତଦନ୍ତ ଜାରି ରଖିଛି ।
Advertisement
