ଏକଦିବସୀୟ ଦିବାରାତ୍ର ଭଲିବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ

ତାଳଚେର – ଅନୁଗୁଳ ଜିଲ୍ଲା ତାଳଚେର ସୋଲଡା ଠାରେ ଏକଦିବସୀୟ ଦିବାରାତ୍ର ଭଲିବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇ ଯାଇଛି । ଏହି ପ୍ରଥମ ଶିବଶକ୍ତି ଭଲିବଲ ଟୁର୍ଣ୍ଣାମେଣ୍ଟରେ ଗୋବରା , ଅନୁଗୁଳ ମା ବାସନ୍ତୀ ଦୂର୍ଗା ଭଲିବଲ ଟିମ , ଟାକୁଆ , ପୋଡାପଡା , ବ୍ରାହ୍ମଣବିଲ , ବଲଣ୍ଡା , ପଥରମୁଣ୍ଡା ଓ ଛେଣ୍ଡିପଦା ଟିମ ଅଂଶଗ୍ରହଣ କରିଥିଲେ । ନକଆଉଟ ପର୍ଯ୍ୟାୟରେ ହୋଇଥିବା ଏହି ଟୁର୍ଣ୍ଣାମେଣ୍ଟରେ ବ୍ରାହ୍ମଣବିଲ ଏବଂ ଟାକୁଆ ମଧ୍ୟରେ ଫାଇନାଲ ମ୍ୟାଚ ଖେଳା ଯାଇଥିବା ବେଳେ ଟାକୁଆ ଟିମ ୩-୧ ରେ ବିଜୟ ହାସଲ କରିଥିଲା । ଉଦଯାପନୀ ଉତ୍ସବରେ ହିଙ୍ଗୁଳା ଖଣିର ଜିଏମ ରେଡି ମୁଖ୍ୟ ଅତିଥି ଭାବେ ଯୋଗ ଦେଇ ଖେଳାଳି ମାନଙ୍କୁ ପୁରସ୍କୃତ କରିଥିଲେ । ଟୁର୍ଣ୍ଣାମେଣ୍ଟରେ ଭଲ ଖେଳ ପ୍ରଦର୍ଶନ କରିଥିବା ଟାକୁଆର ପିଣ୍ଟୁ ବେଷ୍ଟ ଆଟାକର , ଟିକି ବେଷ୍ଟ  ଳିବେରୋ ଓ ବ୍ରାହ୍ମଣବିଲ ଦଳର ସୁନୀଲ ବେଷ୍ଟ ସେଟଅପର ଭାବେ ପୁରସ୍କୃତ କରା ଯାଇଥିଲା ।  ଶିବଶକ୍ତି କ୍ଲବ ଏହି ଟୁର୍ଣ୍ଣାମେଣ୍ଟକୁ ଆୟୋଜନ କରିଥିବା ବେଳେ ବିଜୟ କୁମାର ବାଗ , ସଂବିତ କୁମାର ସାମଲ , ତପନେଶ୍ବର ପ୍ରଧାନ ଓ ଉଦିତ ଗଡନାୟକ ଖେଳ ପରିଚାଳନା କରିଥିଲେ ।

Advertisement