ଅନୁଗୁଳ – ମାଉସୀ ଶାଶୁକୁ ଦୁଷ୍କର୍ମ ଅଭିଯୋଗରେ ଝିଆରୀ ଜ୍ଵାଇଁ ଗିରଫ । ଏଭଳି ଘଟଣା ଘଟିଛି ଅନୁଗୁଳ ଥାନା ଅଞ୍ଚଳରେ । ସୂଚନା ଅନୁସାରେ ଠାକୁରଗଡ ଥାନା ପାଇକସାହିର ସୁନୀଲ ନାଏକ ନାମକ ଜଣେ ଯୁବକ ଅନୁଗୁଳ ଅଞ୍ଚଳରେ ଗତ ୪ ତଳେ ବାହାଘର ହୋଇଥିଲେ । ତେବେ ସେ ଗତ ୨-୩ ବର୍ଷ ହେଲା ଶଶୁର ଘରେ ଆସି ରହି ଆସୁଥିଲା । ତେବେ ଶଶୁର ଘରେ ରହି ଆସୁଥିବା ବେଳେ ଏଠାରେ ରହୁଥିବା ୩୫ ବର୍ଷୀୟ ତାଙ୍କ ବିଧବା ମାଉସୀ ଶାଶୁ ସହ ଜୋରଜବରଦସ୍ତ ଶାରୀରିକ ସମ୍ପର୍କ ମଧ୍ୟ ରହିଥିଲା । ଫଳରେ ବିଧବା ମହିଳା ଜଣଙ୍କ ଗର୍ଭବତୀ ହୋଇଥିଲେ । ସେ ଏବେ ୩ ମାସର ଗର୍ଭ ଧାରଣ କରିଥିବା ବେଳେ ତାଙ୍କୁ ସୁନୀଲ ଘଟଣା ସମ୍ପର୍କରେ କାହାକୁ ନ କହିବାକୁ ଧମକ ଚମକ ଦେଉଥିଲା । ତେବେ ଆଜି (ଶନିବାର) ମହିଳା ଜଣଙ୍କ ଅନୁଗୁଳ ଥାନାରେ ଲିଖିତ ଅଭିଯୋଗ କରିଥିଲେ । ପୁଲିସ ମହିଳାଙ୍କ ଅଭିଯୋଗ ଆଧାରରେ କେସ ନମ୍ବର ୩୪୩/୨୨ ରେ ଏକ ମାମଲା ରୁଜ୍ଜୁ କରିବା ସହ ସୁନୀଲ ନାଏକକୁ ଗିରଫ କରି ଆଜି କୋର୍ଟ ଚାଲାଣ କରିଛି । ସୁନୀଲଙ୍କର ଏକ ତିନି ବର୍ଷର ଝିଅ ଥିବା ମଧ୍ୟ ଜଣା ପଡିଛି ।
Advertisement
