ଜଳିଗଲା ନନା ଜଳଖିଆ ଦୋକାନ

ଅନୁଗୁଳ – ଅନୁଗୁଳ ବସଷ୍ଟାଣ୍ଡ ନିକଟରେ ଆଜି ମଧ୍ୟାହ୍ନରେ ଅଗ୍ନିକାଣ୍ଡ ଘଟି ବହୁ ପୁରୁଣା ଓ ପ୍ରସିଦ୍ଧ ଜଳଖିଆ ଦୋକାନ ପୋଡି ନଷ୍ଟ ହୋଇ ଯାଇଛି । ସୂଚନା ଅନୁସାରେ ଆଜି ମଧ୍ୟାହ୍ନରେ ବସଷ୍ଟାଣ୍ଡ ନିକଟରେ ଥିବା ନନା ଜଳଖିଆ ଦୋକାନରେ ହଠାତ ଅଗ୍ନିକାଣ୍ଡ ହୋଇଥିଲା । ସେତେବେଳକୁ ଗ୍ରାହକ କେହି ନଥିବା ବେଳେ ପ୍ରାୟ ୧୫ ଜଣ କର୍ମଚାରୀ ଭିତରେ ଜଳଖିଆ ପ୍ରସ୍ତୁତ କରୁଥିଲେ । ତେବେ ନିଆଁ ସଙ୍ଗେ ସଙ୍ଗେ ବ୍ୟାପି ସମ୍ପୂର୍ଣ୍ଣ ହୋଟେଲ ଜଳି ଯାଇଥିଲା । ଖବର ପାଇ ଅଗ୍ନିଶମ ବିଭାଗର ଦୁଇଟି ଗାଡି ଆସି ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ । ଅଗ୍ନିକାଣ୍ଡ ଏତେ ଜୋରରେ ହୋଇଥିଲା ଯେ ସେହି ରାସ୍ତା ଦେଇ ଯିବା ଆସିବା ଅଧା ଘଣ୍ଟା ପାଇଁ ବାଧାପ୍ରାପ୍ତ ହୋଇଥିଲା । ପ୍ରାୟ ଅଧଘଣ୍ଟା ପରିଶ୍ରମ ପରେ ଅଗ୍ନିଶମ ବିଭାଗ ନିଆଁକୁ ଆୟତ କରି ପାରିଥିଲା । ଜଳଖିଆ ଦୋକାନ ପାଖରେ ଏକ କେବିନରେ ୱେଲଡିଂ କରାଯାଉଥିବା ବେଳେ ସେହି ୱେଲଡିଂ ନିଆଁରୁ ଅଗ୍ନିକାଣ୍ଡ ହୋଇଥିବା ସନ୍ଦେହ କରାଯାଉଛି ।

Advertisement